ابـكتني والله لا يبكيك

بكيتني والله لابكيك


أغرس على صدر الهوى طعنة ايديك

وادفن غلاي وماضي الحب خلّه
,,
كنت أمس غالي لكن اليوم ما ابيك
ما أبيك لو إنّك دوى كل علّه,,

ما أبيك لو روحي تنازع وترجيك
مادام في حبك خضوووع ومذلّه

,,

أبتركك لو صوت الأشواق يدعيك
وامحي الغلا من داخل القلب كلّه

,,
واطوي زمن حبك وصفحات ماضيك
يووم الغلاياصاح ما أنت بــ هلٍ له

,,

دور على غيري حبيب ٍيجاريك
يقبل خطاك ويحتمل كل زلة,,

رميت قلبي بالعنا والتها ليك
وكرّهتني بالحب دقّه وجلّه
,,

واسقيتني همك وانأ بس أداريك
ماللوفاء درب ٍ ضميرك يدلّه
,,

بكّيتني واليوم والله لا بكّيك
دمعك على فرقاي تبطي تهلّه,,

خذها نصيحة في حياتك ووصيك
إلاّ حبيبك لا تحاول تذلّه
,,
قلي وش اللي بس للغدرحاديك..؟
وسيف الخيانة ليه كفّك تسله.؟
,,
حسبي عليك الله عني يجازيك
مالك أمان ولا عهود ٍوملّه
,,

قصة غرامٍ ماتت سبّة تجنّيك
تنقش على صدر السحاب المظلة

,,


تاهت مراكب حبنا في موانيك
بيديك ماخليت شي بمحله
,,


وش لي بنبض القلب لو صاح يبكيك ..؟
وأنت أكبر جروح العناوالمذلة؟؟


تحية لقلوبكم

شكرا مجدي على هذه الكلمات